АЙОВА МУЖИД КОНСУЛЫН ҮЙЛЧИЛГЭЭ ҮЗҮҮЛНЭ

Монгол Улсаас АНУ-ын Чикаго хотод суугаа Консулын газар 2022 оны 11-дүгээр сарын 10-ны өдөр Айова мужийн Фэйрфиелд хотод 14.00-19.00 цагт, 2022 оны 11 дүгээр сарын 11-ний өдөр 09.00-15.00 цагт консулын үйлчилгээг үзүүлнэ. / хаяг: #219, McLaughlin Buildinghttps://maps.app.goo.gl/D8k5rfW4aSHGmiJ68 /,

Үүнд:

1.    Иргэний үнэмлэх олгох бүртгэл хийх /16 нас хүрсэн иргэд/, сунгах /25, 45 хүрсэн иргэд/,

2.    Бүх төрлийн итгэмжлэл баталгаажуулах,

3.    Гэрлэлт бүртгэлийн материал хүлээн авах,

4.    Төрснийг бүртгэж, гэрчилгээ олгох, материал хүлээн авах,

5.    Гадаад паспорт шинээр авах материал хүлээн авах,

6.    Буцах үнэмлэх авах материал хүлээн авах, олгох,

7.    АНУ-д оршин суугаа тухай тодорхойлолт гаргах,

8.    Бүх төрлийн үйлчилгээтэй холбоотой заавар зөвлөгөө өгөх зэрэг болно.

Анхаарах зүйлс:

1. ДУТУУ МАТЕРИАЛ ХҮЛЭЭН АВАХГҮЙ БОЛОХЫГ АНХААРНА УУ

2. Дээрх үйлчилгээний бүрдүүлэх материалын талаарх мэдээлэл, зааврыг Консулын газрын https://www.facebook.com/MongolConsulChicago цахим хуудаснаас авч, шаардлагатай материалыг зохих ёсоор урьдчилан бүрдүүлж, холбогдох маягтуудыг бүрэн гүйцэт үнэн зөв бөглөж ирнэ үү. Мэдүүлгийн маягт, өргөдлийн маягтыг бөглөхдөө зөвхөн монгол хэл /крилл үсэг/-ээр бичнэ үү.

3. 16-гаас дээш насны иргэд иргэний үнэмлэх авах, 25, 45 насны сунгалт хийлгэх бүртгэлд хамрагдах иргэд заавал өөрийн биеэр ирж хурууны хээ өгнө. Эдгээр иргэд гадаад паспорт, иргэний үнэмлэх, төрсний гэрчилгээний эх хувь, эсхүл хуулбарыг /гаргацтай гарсан/ цаасаар болон дижитал байдлаар авч ирнэ. Түүнчлэн ургийн овог, Монгол Улс дахь байнга оршин суугаа хаяг, эхнэр, нөхөр болон 16 хүртэлх насны хүүхдийн регистрийн дугаар, төрсний гэрчилгээний дугаарыг сайтар тодруулж заавал мэдсэн байх /тэдгээрийн регистрийн дугаар болон хаяг бүхий бичиг баримтын хуулбар байх/ шаардлагатайг анхаарна уу.

4. Иргэний улсын бүртгэлийн тухай хуулийн шинэчилсэн найруулга 2018 оны 11 дүгээр сарын 1-ний өдрөөс хэрэгжиж эхэлсэнтэй холбогдуулан төрсний бүртгэлд шинээр хамрагдаж буй хүүхдийг төрснөөс хойш 30 хоногийн дотор бүртгүүлэх бөгөөд хэрэв хуулийн хугацаанд хүүхдээ бүртгүүлээгүй тохиолдолд тус хуулийн 6.4-т зааснаар “...хүүхэд төрсөн өдрөөс хойш 30 хоногийн дотор бүртгүүлээгүй тохиолдолд тухайн улсын иргэний харьяалал аваагүйг нотолсон эрх бүхий байгууллагын тодорхойлолтыг хавсаргана.” хэмээн заасныг үндэслэн 30 хоногоос хойш төрсний бүртгэлд хамрагдахад УБЕГ-аас олгодог Төрөлт бүртгэлгүй тухай лавлагааг заавал хавсаргах болсныг мэдэгдэж байна.Төрөлт бүртгэлгүй тухай лавлагааг авахын тулд хүүхэд эрүүл саруул бойжиж буй, вакцинд цаг тухай бүрт хамрагдаж буй талаарх эмнэлгийн байгууллагын магадлагаа, тодорхойлолт шаардлагатай.Иймд эцэг, эхчүүд шинээр төрсөн хүүхдийнхээ бүртгэлийг хуулийн хугацаанд буюу 30 хоногийн дотор бүртгүүлнэ үү.

5. Таны үндэсний гадаад паспортын зургийг Консулын газрын бүртгэлийн ажилтан авна. Хэрэв иргэн Та хүсвэл өөрийн үндэсний гадаад паспортын зургаа доорх шаардлагын дагуу авч www.photo.burtgel.gov.mn хаягт холбогдох зааврын дагуу илгээнэ үү. 

Заавартай танилцахыг хүсвэл: 

https://www.facebook.com/MongolConsulChicago/videos/2933185226987669 

Цээж зурагт тавигдах Олон улсын иргэний агаарын тээврийн байгууллага /ИКАО/-ын стандарт шаардлага:

-Нүүрний хэсэг цээж зургийн 90%-ийг эзэлнэ.

-Эгц урдаас авсан байх. Өөрийн нүүр царайг халхалсан нүдний шилгүй, малгай, алчуур өмсөөгүй, чих, дух, хөмсөг бүрэн гарсан, дүрэмт хувцасгүй байх.

-Цээж зургийн арын дэвсгэр цагаан өнгөтэй байх.

-Зургийн хэмжээ 413рх Х 531рх байх тул хэмжээ таарахгүй тохиолдолд www.photo.burtgel.gov.mn хаягаар илгээх боломжгүй юм.

-Цээж зураг сүүлийн 1 сарын дотор авахуулсан байх.

6. Гадаад паспорт, цахим иргэний үнэмлэх, төрсний гэрчилгээ, гэрлэлтийн гэрчилгээ авахаар материал бүрдүүлэн ирэх иргэд дээрх бичиг баримт хэвлэгдсэний дараа Консулын газарт өөрийн биеэр ирж, гарын үсэг зуран хүлээн авах ёстой. Өөрийн биеэр ирэх боломжгүй тохиолдолд баталгаат бухиа шуудангийн үйлчилгээг сонгож болно. Буухиа шуудангаар үйлчилгээг авах иргэн төлбөрийг урьдчилан төлсөн /Pre-paid/, цахим хэлбэрээр хянах боломжтой /Tracking number/, өөрийн оршин суугаа эсхүл шуудан хүлээн авах газрын хаягаар хаягласан /Self-addressed/ баталгаат шуудан /Certified mail/-гийн дугтуйг биечлэн авчирна.Жич: Таны үлдээсэн буцах дугтуйгаар илгээсэн материал гэмтсэн, үрэгдсэн тохиолдолд КГ хариуцлага хүлээхгүй бөгөөд дээрх эрсдэлийг үйлчилгээ авсан тухайн иргэн өөрөө хариуцах болохыг анхаарна уу.Консулын үйлчилгээтэй холбоотой асууж, тодруулах зүйлийг https://www.facebook.com/MongolConsulChicago цахим хаяг, КГ-ын 312-300-2300, дугаарын утсаар асууж, лавлана уу.

МОНГОЛ УЛСААС АНУ-ЫН ЧИКАГО ХОТОД СУУГАА КОНСУЛЫН ГАЗАР